Jezqazǵanda turǵyn úı men sharýashylyq nysandar otqa orandy

JEZQAZǴAN. KAZINFORM – Jezqazǵan qalasynda bir qabatty turǵyn úı men sharýashylyq nysandardy sharpyǵan iri órt sóndirildi. Qutqarýshylardyń jedel áreketiniń arqasynda gaz jáne ottegi ballondarynyń jarylysy bolmady, dep habarlaıdy Tótenshe jaǵdaılar mınıstrligi.

M.Sháripov kóshesinde ornalasqan turǵyn úı, sharýashylyq qurylystar men garajdy ashyq jalyn sharpyǵan. TJM qyzmetkerleri órttiń taralýyna jol bermeı, ǵımarat ishinen tórt gaz jáne eki ottegi ballonyn shyǵaryp úlgergen.

- Órt 280 sharshy metr aýmaqta sóndirildi. Qazirgi ýaqytta órttiń shyǵý sebebi anyqtalyp jatyr, - delingen aqparatta.

Buǵan deıin Astanada qonaqúı órtenip, 60 adam evakýatsııalany habarlanǵan edi.