Jezqazǵanda teatr ǵımaraty órtendi
ASTANA. KAZINFORM — Ulytaý oblysy TJD 112 qyzmet pýltine Jezqazǵan qalasy Sátpaev kóshesi boıyndaǵy teatr ǵımaratynyń jertólesinde órt bolǵany týraly habarlama kelip tústi.
Vedomstvo málimetinshe, alǵashqy órt sóndirý jasaqtary kelgennen keıin jertóleden qalyń tútin shyǵyp jatqany anyqtaldy.
— Tez arada gaz-tútinnen qorǵaý qyzmetiniń býyndary órtti barlaýǵa jáne sóndirýge kiristi. Órt sóndirý bólimsheleri kelgenge deıin ǵımarattan 12 adam ózdiginen kóshege shyqty. Órt sóndirýshilerdiń úılesimdi, kásibı jáne jedel áreketteriniń arqasynda sahnalyq materıaldyń janýy qysqa merzimde sóndirildi. Zardap shekkender joq. Órttiń sebebi anyqtalyp jatyr, — dedi Jezqazǵan qalasynyń TJB bastyǵy Dıdar Quıqabaev.
Osyǵan deıin 11 qańtar kúni keshki ýaqytta Soltústik Qazaqstan oblysy Maǵjan Jumabaev aýdanynyń Maıbalyq aýylynda jeke turǵyn úıde órt shyqqanyn jazǵanbyz. Oqıǵa ornynan órt sóndirýshiler eki adamnyń máıitin tapty.