Jezqazǵanda skýter tizgindegen er adam avtobýstyń astyna túsip kóz jumdy

JEZQAZǴAN. QazAqparat - Jezqazǵanda skýter tepken er adam jolaýshy avtobýsymen soqtyǵysyp, kólik dóńgeleginiń astynda qalyp qoıǵan. Ol oqıǵa ornynda qaza tapty, dep habarlaıdy QazAqparat tilshisi.

Jazataıym oqıǵa búgin, 9 tamyz tańǵy saǵat 8.00 shamasynda bolǵan.

Jezqazǵan qalasynyń polıtsııasyna Jastar kóshesinde jol-kólik oqıǵasy bolǵany týraly habar kelip tústi. Oqıǵa ornyna jedel-tergeý toby jiberildi.

«44 jastaǵy Racer markaly skýter júrgizýshisi Jastar kóshesi boıyndaǵy №14 úıdiń janynan shyǵyp, 41 jastaǵy er adamnyń basqarýyndaǵy avtobýspen soqtyǵysqan. Jol-kólik oqıǵasy saldarynan skýterdiń júrgizýshisi alǵan jaraqatynan oqıǵa ornynda kóz jumdy», - dep habarlady Ulytaý oblysynyń PD baspasóz qyzmeti.

Bul fakt polıtsııada tirkelip, tıisti saraptamalar taǵaıyndaldy. Tergeý júrip jatyr.