Jezqazǵanda shuńqyrǵa shomylǵan eki balanyń biri sýǵa ketti
QARAǴANDY. QazAqparat – Qaraǵandy oblysynda sýǵa toly shuńqyrǵa 14 jastaǵy jasóspirim batyp ketti. Oqıǵa kýágerleri sýǵa batyp bara jatqan eki balanyń bireýin ǵana qutqara aldy, dep habarlaıdy QazAqparat tilshisi.
24 maýsym kúni saǵat 18:38-de Jezqazǵan-Sátbaev avtojolynyń jıegindegi sýǵa toly orǵa 2006 jylǵy jasóspirim batyp ketkendigi habarlanǵan.
Anyqtalǵandaı, jasóspirimder eresekterdiń qaraýynsyz shomylǵan. Sýǵa batyp bara jatqan sátte adamdardy kómekke shaqyra bastaǵan.
«Aıǵaıdy estigen kýágerler kómekke kelip, 2007 jyly týǵan qyzdy qutqaryp alǵan. Qaraǵandy oblysy TJD súńgýirleri jaǵalaýdan úsh metr qashyqtyqta ul balanyń denesin taýyp aldy», - dedi Qaraǵandy oblystyq Tótenshe jaǵdaılar departamentiniń baspasóz qyzmetinen.
Qutqarýshylar arnaıy jabdyqtalǵan oryndarda ǵana shomylýǵa bolatynyn eskertedi. Sonymen qatar, sýda balalar men jasóspirimderge erekshe kóńil bólý qajet.
