Jezqazǵanda saılaýshylar arasynda qarttar belsendiligi joǵary

JEZQAZǴAN. QazAqparat – Ulytaý oblysynyń ortalyǵy – Jezqazǵan qalasynda 33 saılaý ýchaskesinde daýys berý júrip jatyr. Elektorat arasynda qarııalardyń da belsendiligi joǵary, dep habarlaıdy QazAqparat.

Qala ákimdiginiń baspasóz qyzmetinen málim etkendeı, 59 241 turǵyn saılaý quqyǵyna ıe. Olardyń 15,5 paıyzyn jasy 60-tan asqan saılaýshylar quraıdy. Jalpy, zeınet jasyndaǵy 14 220 adam daýys beretini kútilýde.

92 jastaǵy Ordýbaev Egimbaı aqsaqal Keńgir aýylyndaǵy №237 saılaý ýchaskesinde óz tańdaýyn jasady.

«Búgingi saılaýǵa qatysyp, daýys bergenime qýanyshtymyn. Elimizdiń bolashaǵyna úlken senimmen qaraımyn. Jastarymyzǵa «Tek alǵa!» degim keledi. Qazaqstanymyz gúldene bersin», - dep batasyn berdi Egimbaı ata.

Búgin elimizde kezekten tys prezıdent saılaýy ótip jatyr. Barlyq óńirde 10 033 ýchaskede ashyldy.

QR Ortalyq saılaý komıssııasynyń 16.00-degi málimeti boıynsha, Ulytaý oblysynda halyqtyń 72,75 paıyzy daýys berip úlgerdi. ıAǵnı Ulytaý óńiri elektoraty belsendi 9 óńirdiń qatarynda.