Jezqazǵanda salonǵa qystyrylyp qalǵan júrgizýshi qutqaryldy
JEZQAZǴAN. QazAqparat – TJD qyzmetkerleri Jezqazǵan qalasynda jol apatynan keıin kóliktiń synǵan bólshekterimen salonda qystyrylyp qalǵan júrgizýshini qutqardy, dep habarlaıdy QazAqparat tilshisi.
Qutqarýshylarǵa 25 jeltoqsan kúni saǵat 22:26-da Jezqazǵan qalasynyń Holmetskıı kóshesindegi jol-kólik oqıǵasy týraly habar kelip tústi. Zardap shegýshini bosatýǵa kómek qajet ekeni málimdelgen.
TJD bólimsheleri shaqyrtý ornyna kelgende, birneshe jeńil kóliktiń soqtyǵysqany anyqtaldy. Qıraǵan kóliktiń birinde júrgizýshisi qystyrylyp shyǵa almaı qalǵan. .
«Qutqarýshylar arnaıy gıdravlıka quraldyń kómegimen júrgizýshini qutqardy. 19 jastaǵy jigit dárigerlerge tapsyryldy. Tekserýden keıin jaraqat alǵan adam Jezqazǵan qalasynyń ortalyq aýrýhanasyna jetkizildi», - dep habarlady Qaraǵandy oblysy TJD baspasóz qyzmeti.
