Jezqazǵanda prokýrorlar men nurotandyqtar kóliktegi qaýipsizdik máselelerin talqylady
QARAǴANDY. 10 aqpan. QazAqparat /Valentına Elızarova/ - Jezqazǵannyń kólik prokýratýrasy «Nur Otan» HDP fılıalymen birlese otyryp kóliktiń barlyq túrindegi qaýipsizdik máselelerin talqylaý úshin keńes ótkizdi.
Bul týraly Jezqazǵannyń kólik prokýrory Nurǵalı Asqanbekov habarlady.
«Keńes barysynda áýedegi, sýdaǵy, temirjoldaǵy kólik qaýipsizdigine qatysty máselelerge erekshe kóńil bólindi», - dep atap ótti N.Asqanbekov.
Onyń aıtýynsha, kólik prokýratýrasy jolaýshylardyń jol júrý bıletinsiz poıyz arqyly sapar jasaý faktilerin, bıletterdi satý barysynda qoldan bılet tapshylyǵyn jasap alý áreketterin áshkerelegen.
Keńeske qatysýshylar sondaı-aq Prezıdenttiń halyqqa arnaǵan «Bolashaqtyń irgesin birge qalaımyz!» atty bıylǵy Joldaýyn da talqyǵa saldy, dep habarlady N.Asqanbekov.
