Jezqazǵanda páterden er adamnyń denesi tabyldy
JEZQAZǴAN. QazAqparat – Jezqazǵan qalasynyń tártip saqshylary 45 jastaǵy er adamnyń máıitin tapty. Marqumnyń denesindegi belgiler boıynsha, ol zorlyq-zombylyqtan qaıtys bolǵan, dep habarlaıdy QazAqparat tilshisi.
7 maýsym kúni Jezqazǵan qalasynyń Gagarın kóshesindegi páterlerdiń birinde polıtsııa qyzmetkerleri 45 jastaǵy qala turǵynynyń denesin tapty.
«Jedel-izdestirý sharalary barysynda krımınaldyq polıtsııa qyzmetkerleri 34 jastaǵy kúdiktini anyqtady. Ol osy qylmysty jasaǵanyn moıyndady», - dep habarlady Qaraǵandy oblysy PD baspasóz qyzmeti.
Bul turmystyq janjal boldy ma, álde kúdikti qylmysqa basqa sebeptermen bardy ma - ony tártip saqshylary anyqtap jatyr. Al ázirge qylmysker ýaqytsha ustaý ızolıatoryna qamaldy. Tergeý amaldary júrgizilýde.
Atalǵan fakti boıynsha QR QK 99-babynyń 1-bóligi «Adam óltirý» boıynsha sotqa deıingi tergeý bastaldy.
