Jezqazǵanda otshashý qoldanǵan oıyn-saýyq mekemesiniń ákimshisi jaýapqa tartyldy
ASTANA. KAZINFORM - 14 qarasha kúni saǵat 20:00 shamasynda Jezqazǵan qalasynda ýchaskelik polıtsııa ınspektory ózine bekitilgen aýmaqty aralaý barysynda balalar oıyn-saýyq zalynyń aldynda pırotehnıkalyq buıymdardyń qoldanylǵanyn anyqtady, dep habarlaıdy Polisia.kz.
Tekserý barysynda otshashýdy atalǵan mekemeniń ákimshisi uıymdastyrǵany belgili boldy. Osy derek boıynsha ákimshi zańnamaǵa sáıkes jaýapqa tartyldy.
Polıtsııa azamattardy qoǵamdyq tártipti saqtaýǵa jáne ózgelerdiń tynyshtyǵyn qurmetteýge shaqyrdy.
Osyǵan deıin Jambylda drıft jasap, otshashý atqan 22 jastaǵy jigit qamaýǵa alynǵany týraly jazdyq.