Jezqazǵanda órtengen avtobýstyń kondýktory kóz jumdy
QARAǴANDY. QazAqparat - Jezqazǵanda órtengen «PAZ» jolaýshylar avtobýsynyń kondýktory jan saqtaý bóliminde kóz jumdy, dep habarlaıdy «QazAqparat» HAA tilshisi.
Jezqazǵan ortalyq aýrýhanasynyń jan saqtaý bóliminiń dárigerleri 19 qazanda jas jigittiń ómirin saqtap qalýǵa baryn saldy, alaıda denesiniń 95%-in kúıik shalǵan jigittiń jaǵdaıy óte aýyr bolǵan. Al avtobýs júrgizýshisi de qazir jan saqtaý bóliminde jatyr, onyń denesiniń 35%-in kúıik shalǵan. Qaraǵandy oblystyq densaýlyq saqtaý basqarmasynyń baspasóz hatshysy Aıjan Isanyń bergen málimetterine qaraǵanda, jalyn qushaǵynda qalǵan júrgizýshi men kondýktordy sol mańnan ótip jatqan dáriger óz kóligimen aýrýhanaǵa jetkizgen.Eske sala keteıik, Jezqazǵanda «PAZ» avtobýsyn jóndep jatqanda órt shyǵyp, 1994 jáne 1995 jyly týǵan júrgizýshi men kondýktordy qatty kúıik shalǵan bolatyn. «Órt sóndirý jáne apattyq-qutqarý jumystary qyzmeti» MM zerthanasynyń sarapshylary órttiń sebepterin anyqtaýda.
