Jezqazǵanda órt sóndirý-qutqarý sporty boıynsha chempıonaty aıaqtaldy
ASTANA. KAZINFORM – Ulytaý oblysynyń Jezqazǵan qalasynda erler arasyndaǵy XXXII jazǵy jáne áıelder arasyndaǵy XII jazǵy Qazaqstan Respýblıkasy Tótenshe jaǵdaılar mınıstrliginiń órt sóndirý-qutqarý sporty boıynsha chempıonattary aıaqtaldy.
Tórt kúnge sozylǵan jarys barysynda elimizdiń barlyq óńirinen kelgen sportshylar tórt tártip boıynsha baq synady:
* shabýyl satysymen kóterilý;
* kedergileri bar 100 metrlik jolaqtan ótý;
* 4×100 metrlik órt estafetasy;
* jaýyngerlik qanat jaıý.
Jarystar sportshylardyń jyldamdyǵyn, dene daıyndyǵyn, kásibı sheberligin jáne komandalyq ózara is-qımylyn synaıtyn mańyzdy dodaǵa aınaldy.
Chempıonattyń qorytyndy kúninde «Jaýyngerlik qanat jaıý» tártibi boıynsha jarystar ótip, sondaı-aq qossaıys pen jalpy komandalyq eseptiń qorytyndylary shyǵaryldy.
Áıelder arasyndaǵy qossaıys:
1 oryn — Mańǵystaý oblysy TJD Redjemetova Sıtora, 24,21 sek;
2 oryn — Shymkent qalasy TJD Salmına Valentına, 24,43 sek;
3 oryn — Astana qalasy TJD Podgorodetskaıa Krıstına, 24,63 sek.
Erler arasyndaǵy ekisaıys:
1 oryn — Aqmola oblysy TJD Savon Dmıtrıı, 30,22 sek;
2 oryn — Almaty qalasy TJD Abılbaev Dınmýhamed, 30,30 sek;
3 oryn — Mańǵystaý oblysy TJD Qonysbaev Abaı, 30,33 sek.
Barlyq jarys kúnderiniń qorytyndysy boıynsha jalpy komandalyq esepte úzdik komandalar anyqtaldy.
Áıelder arasyndaǵy jalpy komandalyq esep:
1 oryn — Qostanaı oblysy TJD;
2 oryn — Astana qalasy TJD;
3 oryn — Shyǵys Qazaqstan oblysy TJD.
Erler arasyndaǵy jalpy komandalyq esep:
1 oryn — Almaty qalasy TJD;
2 oryn — Astana qalasy TJD;
3 oryn — Mańǵystaý oblysy TJD.
Jarystar saltanatty jabylý rásimimen qorytyndylandy. Іs-sharaǵa Ulytaý oblysy ákiminiń orynbasary Bolat Jumabekov, Ulytaý oblysy TJD bastyǵy Esen Baıyrov, «Qazaqstandyq órt sóndirýshiler men qutqarýshylardyń sporttyq federatsııasy» QB atqarýshy dırektory Danaev Dáýren, azamattyq qorǵaý organdarynyń ardagerleri, jattyqtyrýshylar, tóreshiler men sportshylar qatysty.
Saltanatty rásim barysynda jarystardyń jeńimpazdary men júldegerlerin marapattaý rásimi ótti. Úzdik sportshylar men komandalar joǵary sporttyq nátıjeleri, kásibı sheberligi jáne jeńiske degen jigeri úshin marapattaldy.
Chempıonattar aýqymdy sporttyq is-shara ǵana emes, elimizdiń úzdik sportshylaryn anyqtaıtyn mańyzdy doda boldy. Kórsetilgen nátıjeler Qazaqstan Respýblıkasynyń ulttyq qurama komandalarynyń aldaǵy álem chempıonattaryna qatysý úshin quramdaryn jasaqtaý kezinde eskeriletin bolady.
Erler arasyndaǵy XXXII jazǵy jáne áıelder arasyndaǵy XII jazǵy Qazaqstan Respýblıkasynyń órt sóndirý-qutqarý sporty boıynsha chempıonattary óz máresine jetip, jańa rekordtar, jarqyn jeńister men laıyqty marapattardy qaldyrdy.
