Jezqazǵanda mektep túlegi óli kúıinde tabyldy
QARAǴANDY. QazAqparat - Jezqazǵan kósheleriniń birinen 18 jastaǵy mektep túleginiń denesi tabyldy. Polıtsııa qyzmetkerleri tergep-tekserý amaldaryn júrgizýde, dep habarlaıdy QazAqparat tilshisi.
«2018 jyldyń 16 maýsymy kúni polıtsııa qyzmetkerleri Jezqazǵan kósheleriniń birinen jas jigittiń máıitin tapty. Onyń tulǵasy anyqtaldy. Ol - 2000 jyly týǵan Jezqazǵan turǵyny bolyp shyqty. Kúdikti retinde 17 jastaǵy jasóspirim ustaldy. Ol jábirlenýshige ózara kıkiljiń barysynda dene jaraqattaryn salǵanyn moıyndady», - dep málimdedi oblystyq ІІD-den.
Ustalǵan kúdiktige qatysty «úıqamaqqa alý» bultartpaý sharasy qoldanyldy. QR Qylmystyq kodeksiniń 99-babynyń («Adam óltirý») 1-bóligine sáıkes sotqa deıingi tergep-tekserý amaldary bastaldy. Tıisti saraptamalar belgilendi.
