Jezqazǵanda mas kúıde kólik tizgindegen turǵyn sot sheshimimen 1 aıǵa qamaldy

ASTANA. KAZINFORM — Jezqazǵan qalasynyń ákimshilik quqyq buzýshylyqtar jónindegi mamandandyrylǵan sotynda azamat «E»-ge qatysty ákimshilik is qaraldy.

2025 jylǵy 29 qyrkúıek saǵat 11:50 shamasynda «E» esimdi azamat júrgizýshi kýáliginsiz, jeńil dárejeli alkogoldik masań kúıde Jezqazǵan qalasy, Baıqońyrova kóshesinde avtokólik basqarǵan. 

Sot otyrysynda ol kinásin moıyndap, quqyqbuzýshylyq jasaǵanyn rastady. Polıtsııa ınspektorynyń túsinigi men medıtsınalyq kýálandyrý qorytyndysy da onyń jeńil dárejeli masań kúıde bolǵanyn dáleldedi. 

— Anyqtalǵandaı, «E» esimdi azamat 2024 jylǵy 5 qyrkúıekte Ulytaý oblysy Sátbaev qalalyq sotynyń qaýlysymen ÁQBtK-niń 608-baby 7-bóligi boıynsha ol jaýapqa tartylyp, jaza merzimi 2024 jylǵy 5 qazanda aıaqtalǵan. Alaıda bir jyl ótpeı jatyp quqyqbuzýshylyqty qaıtalap jasaǵan. Sot qaýlysymen azamat «E» QR ÁQBtK-niń 608-babynyń 7-bóligi boıynsha kináli dep tanylyp, 30 táýlikke ákimshilik qamaqqa alý jazasy taǵaıyndaldy, — delingen sot taratqan aqparatta.

Buǵan deıin Atyraýda jalǵan áskerı forma kıgen mas júrgizýshi ustalǵanyn jazǵan edik.