Jezqazǵanda qurylys salasynan 427 mln teńgeniń zań buzýshylyǵy anyqtalǵan
ASTANA. KAZINFORM - Jezqazǵan qalasynyń ákimdigi bıyl birinshi jartyjyldyqta Joǵary aýdıtorlyq palata anyqtaǵan qurylys jumystaryndaǵy zań buzýshylyqtardy qalypqa keltirdi.
Eske sala keteıik, Ulytaý oblysynda bıýdjet qarajatynyń paıdalanylý tıimdiligine júrgizilgen memlekettik aýdıt barysynda birqatar olqylyq, onyń ishinde sáýlet jáne qurylys qyzmetinde buzýshylyqtar anyqtaldy.
Mysaly, Jezqazǵanda oryndalmaǵan qurylys jumystaryn qabyldaý jáne qurylys materıaldaryn sapasy men sıpattamalary boıynsha jobalaý-smetalyq qujattamaǵa sáıkes kelmeıtin qurylys materıaldaryna aýystyrý faktileri oryn alǵan.
Qala ákimdigine anyqtalǵan barlyq buzýshylyqty joıý tapsyryldy.
Nátıjesinde qyrkúıektegi jaǵdaı boıynsha 427 mln teńgeden astam somaǵa turǵyn úılerde, jylý jelilerinde jáne basqa da kommýnaldyq nysandarda qurylys-montaj jumystary júrgizildi.
Sonymen qatar memlekettik bıýdjetke 2,8 mln teńgeden astam qarajat óteldi.
Ulytaý oblysyndaǵy memlekettik aýdıt qorytyndylary boıynsha berilgen nusqamanyń ózgede tarmaqtarynyń oryndalýy Joǵary aýdıtorlyq palatanyń baqylaýynda.
