Jezqazǵanda kópqabatty eki turǵyn úıdiń qurylysy bastaldy
JEZQAZǴAN. QazAqparat - Jezqazǵan qalasynda kópqabatty eki turǵyn úıdiń qurylysy bastaldy, dep habarlaıdy QazAqparat tilshisi.
Jezqazǵan qalasynda «Nurly jer» baǵdarlamasy aıasynda kópqabatty eki turǵyn úıdiń qurylysy bastaldy. Sátbaev kóshesinde salynǵaly jatqan tórt qabatty 36 páterli úıdiń qurylysyna 307,6 mıllıon teńge qarastyrylǵan. Onyń 276,9 mıllıon teńgesi respýblıkalyq, 30,8 mıllıony oblystyq bıýdjetten bólinip otyr. Qurylys aıaqtalǵan soń, atalǵan úı kezekte turǵan turǵyndarǵa arendalyq baspana retinde beriledi.
Memlekettik baǵdarlama boıynsha Gagarın kóshesinde boı kóteretin kelesi besi qabatty 30 páterli úıdiń qurylysyna oblystyq bıýdjetten 274,4 mıllıon teńge bólingen. Bul úıdi «Turǵyn úı qurylys jınaq banki» salymshylary ala alady. Eki nysanda da qurylys júrgizýshi bas merdiger - «Astra Servıs plıýs» JShS.
«Bul úılerdiń qurylysyna qarajat jetkilikti deńgeıde bólinip otyr. Búginde qajetti protsedýralardyń barlyǵy óz retimen júrip jatyr. Qurylysqa qajet mamandar jumyspen qamtý ortalyǵynda jumyssyzdar tiziminde turǵan azamattar qatarynan alynatyn bolady. Eń bastysy qurylysty belgilengen merzimde aıaqtap, baspanaǵa muqtaj turǵyndarǵa tapsyrý», - deıdi qurylys alańyna baryp, ondaǵy jumys barysymen tanysqan Jezqazǵan qalasynyń ákimi Batyrlan Ahmetov.
Jospar boıynsha atalǵan úılerdiń qurylysy bıyl jeltoqsan aıynda aıaqtalmaq. 
Darhan Muqanov
