Jezqazǵanda kommýnaldyq mekeme basshysy 288 mln teńgege qubyr urlaǵan

JEZQAZǴAN. QazAqparat – Jezqazǵan qalasynda kommýnaldyq mekemeniń basshysy 288 mln teńgege qubyrlar urlaǵan, dep habarlaıdy QazAqparat Qarjylyq monıtorıng agenttigine silteme jasap.

QMA Ulytaý oblysy boıynsha departamenti Jezqazǵan qalasynda ornalasqan qubyrdyń 13 myń metrden astamyn urlaý kúdigine qatysty sotqa deıingi tergeýdi aıaqtady. Memlekettik mekemeniń burynǵy basshysy bir top adamdarmen aldyn ala sóz baılasyp, jalpy somasy 288 mln teńgeden astam memleket múlkin urlaǵany anyqtaldy. Urlyq faktisin anyqtaý kezinde laýazymdy tulǵa atalǵan nysannyń memlekettik organnyń balansynda joqtyǵy týraly jalǵan anyqtamalar berip, tergeýdi qasaqana jańylystyrǵan. Bul qubyr Jezqazǵan qalasynyń áýejaıy mańynda ornalasqan saıajaı ýchaskelerin sýmen qamtamasyz etýge arnalǵan,

- delingen Qarjylyq monıtorıng agenttiginiń habarlamasynda.

Málim etilgendeı, atalǵan laýazymdy tulǵa qazir kommýnaldyq kásiporynnyń basshysy emes. Qylmystyq is sotqa joldandy.

Vedomstvo Qylmystyq-protsessýaldyq kodekstiń 201-babyna súıenip, ózge aqparatty jarııalamady.