Jezqazǵanda kitaphana dırektory ulyna zańsyz jalaqy tólep kelgen
«Jezqazǵan prokýratýrasy Jezqazǵan qalasy mádenıet jáne tilderdi damytý bólimi Ortalyqtandyrylǵan kitaphanalar júıesin tekserý barysynda bıýdjet qarjysyn negizsiz jumsap, ıemdený faktisin anyqtady. Tekserý kórsetkendeı, dırektor óziniń ulyna 2016 jyldyń shildesinen jeltoqsanyna deıin zańsyz jalaqy tólep kelgen. Onyń somasy 469 myń 860 teńgeni quraıdy», - dep túsindirdi Qaraǵandy oblystyq prokýratýrasynyń baspasóz hatshysy Nurlan Abjanov.
Prokýrorlar tekserý materıaldaryn Sybaılas jemqorlyqqa qarsy is-qımyl ulttyq bıýrosy organdaryna berdi. Dırektorǵa qatysty QR QK 189-baby 3-tarmaǵy «Senip tapsyrylǵan bóten múlikti ıemdenip alý nemese talan-tarajǵa salý» boıynsha qylmystyq is qozǵaldy.
Jezqazǵan qalalyq sotynyń sýdıasy áıeldi 2 jyl 6 aıǵa bas bostandyǵynan aıyrdy. Budan bólek, ol ómir boıyna memlekettik qyzmette jumys isteý quqyǵynan aıyryldy.