Jezqazǵanda qaskúnemder qystaqqa shabýyl jasap, ákesi men balasyn soqqyǵa jyqqan

JEZQAZǴAN. QazAqparat – Jezqazǵan qalasynyń mańynda ornalasqan qystaqqa belgisiz eki erkek kelip, úı ıelerin uryp tastaǵan. Polıtseıler qaskúnemderdi ustady. Qazirgi ýaqytta tártip saqshylary uryp-soǵý sebebin anyqtap jatyr, dep habarlaıdy QazAqparat tilshisi.

11 qyrkúıekte Qaraǵandy oblysy Jezqazǵan qalasynyń PB-na qala mańynda ornalasqan qystaqqa belgisiz tulǵalar shabýyl jasaǵany týraly habarlama kelip tústi.

Oqıǵa ornyna jedel-tergeý toby barǵan. Belgili bolǵandaı, shamamen tańǵy 7.30-da qystaqqa kútpegen jerden eki belgisiz adam kelgen.

Buzaqylyq nıetpen olar 52 jastaǵy er adam men onyń 23 jastaǵy ulyn uryp-soǵyp, sodan keıin qashyp ketken.

Túrli jaraqat alǵan zardap shekkenderdiń biri Jezqazǵan qalasynyń medıtsınalyq mekemesine jatqyzyldy. Polıtseıler qaskúnemderdiń ÝAZ avtokóligimen júrgenin anyqtaǵan.

«Jedel-izdestirý sharalary barysynda polıtsııa qyzmetkerleri 32 jáne 35 jastaǵy eki er adamdy ustady. Kúdiktiler kánisin moıyndady. QR QK 107-baby «Densaýlyqqa qasaqana aýyrlyǵy ortasha zııan keltirý» boıynsha qylmystyq is qozǵaldy. Qaskúnemder ýaqytsha ustaý ızolıatoryna qamaldy. Tergeý júrip jatyr», - dep habarlady Qaraǵandy oblysy PD.