Jezqazǵanda qalaishilik sý qubyry jelilerine jóndeý jumystary júrgizilip jatyr
JEZQAZǴAN. KAZINFORM – Ulytaý oblysynyń ákimi Dastan Ryspekov Jezqazǵan qalasynyń turǵyndarymen kezdesý barysynda málim etti.
Kezdesýde óńir basshysy óńirdegi sýmen qamtamasyz etý máselesine qatysty atqarylǵan jumystar týraly baıandady.
Ákimniń sózinshe, halyqty sapaly aýyz sýmen qamtamasyz etý úshin sýdy tazartýdyń ozyq tehnologııalaryn qoldana otyryp, sharýashylyq sý tazartý qurylystaryn rekonstrýktsııalaý jobasy iske asyrylýda.
Osy joba boıynsha qalada (11 mlrd tg) sýdy tazartý stantsııasynyń qurylysy, hımııa zerthanasynyń kúrdeli jóndeýi, ınjenerlik jelileriniń tartylýy jáne ekinshi kótergish sorǵy stantsııasy ǵımaratynyń qaıta jańartylýy sııaqty jumystar atqaryldy
Budan basqa, 2024 jyly qalaishilik sý qubyry jelilerine jóndeý jumystary júrgizilip, atalǵan jumystardy 2025 jyly aıaqtaý josparlanyp otyr. Bul quny 14,6 mlrd teńge bolatyn bul joba sý qubyry jelileriniń tozýyn 72%-dan 36%-ǵa deıin tómendetýge múmkindik beredi.
Oblys ákiminiń málimetterine qaraǵanda óńirde Úıtas-Aıdos toptyq sý qubyryn qaıta jańartý jumystary da jalǵasýda. Bul baǵytqa 13,7 mlrd teńge bólinip, 51 km sý qubyry salyndy. Sorǵy stantsııasyn qaıta jańartý jumystary júrgizilýde.
Sonymen qatar, qalanyń káriz júıesin qaıta qurý boıynsha jobalaý-smetalyq qujattama ázirlendi.
- Jobany júzege asyrýǵa 2025 jylǵa qalalyq bıýdjetten tıisti qarajat qarastyrylǵan. Sondaı-aq, oblystyq bıýdjetten qosymsha qarjylyq qoldaý kórsetiledi. Qazirgi ýaqytta jobany iske asyrýǵa qosymsha qarjy alý boıynsha Ónerkásip jáne qurylys mınıstrligimen birlesip, halyqaralyq qarjy uıymdarymen kelissózder júrgizilýde, -dep atap ótti Dastan Ryspekov.
Sonymen qatar ol qalanyń turǵyn úı-kommýnaldyq sharýashylyq salasyndaǵy jumystarǵa da toqtaldy.
- Qurmetti jerlester, osy qalanyń turǵyny retinde meni de kommýnaldyq qyzmetterdiń jylytý maýsymyna daıyndyǵy, qalanyń tazalyǵy men abattandyrylýy, kórsetiletin qyzmetterdiń sapasy alańdatady. Turǵyndarymyzdyń qolaıly ómir súrý jaǵdaılaryn jasaý jáne sapasyn jaqsartý úshin, tek bıylǵy jyldyń ózinde 316 km sýmen jabdyqtaý jáne sý burý jelisi, 49 km jylý jelisi jańǵyrtylyp, jóndeldi, onyń ishinde Jezqazǵanda 66 km sýmen jabdyqtaý jelisi jáne 11 km jylý jelisi bar» - dedi ol.
Osyǵan deıin Jezqazǵan qalasynda 1705 turǵyn úı gazben qamtamasyz etilgeni týraly jazdyq.