Jezqazǵanda halyqaralyq teatr festıvali ótedi
ASTANA. QazAqparat - Qarashanyń 1-nen 4-ne deıin Jezqazǵanda Janat Hadjıev atyndaǵy halyqaralyq mýzyka festıvali ótedi. Oǵan Frantsııa, Serbııa, Qytaı jáne Qazaqstannyń ártisteri qatysady, dep habarlaıdy oblystyq ákimdiktiń baspasóz qyzmeti.
Spektaklder Qojamqulov atyndaǵy Jezqazǵan qazaq mýzykalyq drama teatrynyń sahnasynda ótedi.
«MAS Productions» frantsýz teatr ujymy «Men kimmin?» dramasyn nazarǵa usynady. Henan ıÝı jastar lıgasy «Sıýan Zan» dramasyn qoıady. Serbııalyq qala Ýjıtseden kelgen Ulttyq teatr ártisteri «Demalys kúniniń sońy» atty spektakldi oınaıdy.
Astanalyq «Jastar» teatry festıvalde «Mekkege aparar uzaq jol» astarly áńgimeni sahnalaıdy. Qostanaı oblystyq drama teatry festıvalge «Ókinish» tragıkomedııasyn alyp keledi. Al nemis respýblıkalyq darama teatry «Úsh apaly-sińlili» psıhologııalyq dramasyn qoıatyn bolady.
Qojamqulov atyndaǵy Jezqazǵan qazaq mýzykalyq drama teatrynyń ártisteri «Qara oramal» poetıkalyq kompozıtsııasyn qoıady jáne óz repertýarynyń eń úzdik spektaklderin nazarǵa usynady.
Kórermender úshin spektaklderge kirý tegin bolady.
