Jezqazǵanda fermerlerge jer telimderi jalǵa beriledi
QARAǴANDY. QazAqparat - Jezqazǵan qalasynyń ákimdigi sharýa nemese fermer qojalyǵyn, aýyl sharýashylyǵy óndirisin júrgizý úshin jer telimderin jalǵa berý jóninde baıqaý jarııalady, dep habaralıdy Qaraǵandy oblysy ákiminiń resmı saıty.
Ár ótinimde bıznes-jospar (ınvestıtsııalardyń boljamdy kólemi, aýyl sharýashylyǵy daqyldaryn ósirý alańdary, aýyl sharýashylyǵy janýarlarynyń mal basy, qoldanylatyn agrotehnologııalar, aýyl sharýashylyǵy tehnıkasy men tehnologııalyq jabdyqtyń, aýyl sharýashylyǵy salasyndaǵy bilikti mamandardyń bolýy, ashylatyn jumys oryndarynyń sany kórsetilýi tıis.
Ekinshi nazar aýtarar jaıt - sharýashylyqishilik jerge ornalastyrý jobasyn jasaý jáne ıgerý, aýyl sharýashylyǵy ınfraqurylymyn damytý is-sharalaryn oryndaý jónindegi mindettemeler.
Sondaı-aq aýyl sharýashylyǵy maqsatyndaǵy jerdi utymdy paıdalaný qaǵıdalaryn qosa alǵanda, Qazaqstan Respýblıkasy jer zańnamasynyń talaptaryn oryndaý, óńirdiń mamandanýyna sáıkes aýyl sharýashylyǵy daqyldarynyń egis alańdary qurylymyn ártaraptandyrý boıynsha ındıkatıvtik kórsetkishterdi oryndaý, ǵylymı negizdelgen agrotehnologııalardy, fıtosanıtarııalyq jáne karantındik talaptardy saqtaý jónindegi mindettemeler qamtylýǵa tıis.
Jer telimderiniń (jaıylymdar men alqaptar) tizimimen, sondaı-aq baıqaýdyń ótkizilý tártibimen jáne sharttarymen kelesi silteme arqyly ótip, tanysýǵa bolady: https://jezkazgan.gov.kz/kz/4072.html.
