Jezqazǵanda eskekpen júzý sportyna arnalǵan keshen salynady
Búgingi tańda barlyq aýdandar men qalalarda qurylys sany kóbeıip otyr. Aımaq basshysy Erlan Qoshanov jasalatyn jumystardyń sapasy men kestesin baqylaýdy údetýdi tapsyrdy.
Atalmysh másele apparattyq jınalysta talqylandy.
Oblystyń barlyq aımaqaryndaǵy turǵyn úıler men áleýmettik nysandardyń qurylys barysy týraly Qurylys, sáýlet jáne qala qurylysy basqaramasynyń jetekshisi mindetin atqarýshy Taıhan Qalmahanov málimdedi.
«Oblystyń 14 aımaǵynda qurylys jumystarynyń kólemi ulǵaıdy. Turǵyn úı qurylysynyń eń úlken úlesi Qaraǵandyǵa tıesili - 49,6%, Temirtaýǵa - 12,1%, Shet aýdanyna - 5,3%. Qaraǵandy oblysy boıynsha 2018 jyly «Nurly jer» baǵdarlamasy sheńberinde qoldanysqa engiziletin turǵyn úı 379 myń sharshy metrdi quraıdy. Qańtar-mamyr aralyǵynda engiziledi dep kútiletin turǵyn úı - 131 myń sharshy metr», - dedi Taıhan Qalmahanov.
Oblysta 36 myń adam páter alýǵa kezekte tur, onyń jartysyna jýyǵy Qaraǵandy boıynsha. Aımaqta 73 myń adam «Turǵyn úı jınaq bankiniń» salymshylary bolyp tabylady.
Qaraǵandyda ońtústik-batys jaqta nesıelik turǵyn úı jelisi boıynsha iri paneldi úsh turǵyn úıdiń qurylysy júrgizilip jatyr, onda 468 páter bolady. Oktıabr aýdanynda 60 páterli jalǵa beriletin úı salynyp jatyr. 1 344 páterge shaqtalǵan jeti kópqabatty úı «Panel-Ortalyq» yqsham aýdanynda turǵyzylady.
Jalǵa beriletin jáne nesıelik turǵyn úıler oblystyń barlyq qalalary men aýdandarynda salynyp jatyr. Jańa áleýmettik nysandardy iske qosý josparlanyp otyr.
Jezqazǵanda eskekpen júzý sportyn súıetinder úshin sport kesheni paıda bolady - nysannyń qurylysyna baıqaý jarııalanǵan. Budan bólek, oblystyq bıýdjetten Sátbaev qalasyna 320 orynǵa shaqtalǵan balabaqsha men Oqýshylar saraıynyń qurylysyna qarajat bólindi. Ulytaý kentinde ólketaný murajaıy salynady. Abaı qalasy men shet aýdanynyń Sáken Seıfýllın atyndaǵy aýylda dene shynyqtyrý- saýyqtyrý ortalyqtarynyń qurylysy júrgizilip jatyr.
Jańa mektepter Qaraǵandy, Temirtaý, Jezqazǵan, Aqtoǵaı aýdanynyń Saryshaǵan kentinde, Ulytaý aýdanynyń Betbulaq (Alǵabas) aýylynda salynady dep josparlanǵan.
«Jalpy qurylys boıynsha qarqyn jaqsy. Barlyq nysan boıynsha naqty baqylaý bolýy tıis. Barlyq ákimderge turǵyn úılerdi qoldanysqa berý josparly kórsetkishterin qadaǵalaý qajet. Qarajat bólindi, olardy endi meńgerý kerek, merdigerlermen tyǵyz baılanysta jumys isteńizder. Birinshi kezekte - sapany qamtamasyz etý. Ekinshisi - bólingen qarajatty ýaqtyly meńgerý. Jáne eń bastysy - meńgerý kerek dep zańǵa qaıshy áreketterden aýlaq bolǵan jón» - dep atap ótti Erlan Qoshanov.
Oblys ákimi barlyq qurylys nysandarynda qoǵamdyq baqylaý uıymdastyrýdy talap etti.
