Jezqazǵanda er adam áıelin ań aýlaıtyn myltyqpen basynan atqan
QARAǴANDY. QazAqparat - Jezqazǵanda 27 jastaǵy er adam ań aýlaıtyn myltyqpen jubaıyn jaraqattady, dep habarlaıdy QazAqparat tilshisi.
Óńirdegi polıtsııa departamentiniń aıtýynsha, oqıǵa 5 jeltoqsanda bolǵan. Qaladaǵy ortalyq aýrýhanaǵa 27 jastaǵy oq tıgen áıel jetkizilgen.
Jedel-izdestirý sharalary barysynda er adam ustaldy. Ol janjal kezinde jubaıynyń basynan tegis uńǵyly ań aýlaıtyn myltyqpen atqanyn moıyndady.
Polıtsııada túsindirgendeı, atalmysh fakti boıynsha QR QK 24-99 baptary «Adam óltirýge oqtalý» boıynsha sotqa deıingi tergeý bastalǵan. Myltyq tárkilendi.
Qazirgi tańda kúdikti ýaqytsha ustaý oqshaýlaǵyshyna qamaldy.
