Jezqazǵanda eki úlken kóshe jóndeledi

ASTANA. QazAqparat - Bıylǵy jyly oblystyq bıýdjet esebinen Jezqazǵan qalasynyń eki úlken kóshesi jóndeledi. Bul týraly óńirlik kommýnıkatsııalar qyzmetinde ótken brıfıngte Jezqazǵan qalasynyń ákimi Batyrlan Ahmetov málim etti, dep habarlaıdy QazAqparat Qaraǵandy oblysy ákimdiginiń saıtyna silteme jasap.

«Bıylǵy jyly Qanysh Sátbaev kóshesi men Beıbitshilik dańǵylyn jóndeımiz. Ol úshin oblystyq bıýdjetten 700 mıllıon teńge bólindi. Sonymen qatar Ǵazız Omarov kóshesin jóndeýdi josparlap otyrmyz, ol jumystarǵa jergilikti bıýdjetten 73 mıllıon teńge qarastyryldy», - dedi Batyrlan Ahmetov.

Ákimniń aıtýynsha, jergilikti bıýdjet esebinen Jezqazǵanda 16-shy yqsham aýdandaǵy aýla joldary da jóndeledi. Qaladaǵy basqa da usaq jol jóndeý jumystary jalǵasady.