Jezqazǵanda bilim, mádenıet jáne BAQ qyzmetkerleri «Tulǵa» syılyǵymen marapattaldy
«Rýhanı jańǵyrý» baǵdarlamasy sheńberinde syılyqtyń negizin qalaýshy jáne is-sharanyń uıymdastyrýshysy belgili metsenat, Qaraǵandy oblysynyń Qazaqstan halqy Assambleıasy tóraǵasynyń orynbasary, oblystyq máslıhattyń depýtaty Bekzat Altynbekov boldy.
Syılyqty tapsyrý rásimine teatr jáne kınonyń tanymal akterleri, mádenıet, bilim jáne BAQ ardagerleri, memlekettik qurylymdardyń ókilderi men qoǵam qaıratkerleri shaqyryldy.
«Tulǵa» syılyǵy ıegerleriniń esimderi saltanatty túrde jarııalandy. Bıyl joǵary marapatqa ıe bolǵandar:
Qazaqstannyń eńbek sińirgen ártisi, «Qurmet» ordeniniń kavaleri Merýert Ótekeshova;
M. Áýezov atyndaǵy pedagogıkalyq kolledjiniń dırektory (Semeı q.) Shaǵangúl Janaeva;
Belgili aqyn Serik Aqsuńqaruly;
Qazaqstannyń eńbek sińirgen qaıratkeri, QR Jýrnalıster odaǵynyń múshesi Sáýle Meshitbaeva;
qoǵam qaıratkeri Nazıpa Shanaı.
Syılyq ıelerine músinsheler, dıplom, tósbelgi jáne aqshalaı syılyq tabystaldy.
Іs-shara barysynda sonymen qatar BAQ, bilim, mádenıet jáne óner salasynyń qyzmetkerleri ataýly syılyqtarmen marapattaldy.
BAQ jáne mádenıet salasynda:
Kamal Smaılov atyndaǵy syılyq - talantty jýrnalıst Baıkal Baıadılovke;
Sábıt Baıdalın atyndaǵy syılyqtyń ıegeri - Qaraǵandy oblystyq «Qazaqstan» RTRK« AQ fılıalynyń dırektory Berik Dúısetaev;
Zýlpa Chýmakova atyndaǵy syılyq - «Jezqazǵan jarshysy« gazetiniń bas redaktory Elvıra Alpanbaeva;
Baýbek Bulqyshev atyndaǵy syılyqpen - Ulytaý aýdanynyń Qurmetti azamaty, aıtysker, respýblıkalyq jáne halyqaralyq aıtystardyń birneshe dúrkin jeńimpazy Muqash Seıtqazınov;
Muqan Imanjanov atyndaǵy syılyq - «Saryarqa« gazetiniń redaktsııasy» JShS dırektory Darhan Muhan;
Appaz Qarajigitov atyndaǵy syılyqtyń laýreaty «Shabyt» festıvaliniń jeńimpazy Tanakoz Tolqynqyzy.
Bolashaq urpaqty tárbıeleýge jáne bilim berýdi damytýǵa qosqan úlesi úshin marapattalǵandar:
«Qurmet» ordeniniń ıegeri jáne Y. Altynsarın bilim berý salasyna eńbek sińirgen qyzmetkeri tósbelgisiniń ıegeri Aıman Túkbaevaǵa;
Qabden Shyńǵysov atyndaǵy syılyqpen Balqash qalasynyń № 15 mektep-lıtseıi dırektorynyń «Bilim berý isiniń qurmetti qyzmetkeri» Qarlyǵash Dúbirbekovaǵa;
Nurııa Jumajanova atyndaǵy syılyq Nur-Sultan qalasynyń Álıhan Bókeıhanov atyndaǵy №76 mektep-lıtseıiniń dırektory Sapýr Tólekovke tapsyryldy.
Óner salasynda ataýly marapattarǵa ıe bolǵandar:
Janat Hadjıeva atyndaǵy syılyq - Jezqazǵan qalasynyń Serke Qojamqulov atyndaǵy qazaq mýzykalyq drama teatrynyń akteri Baqytjan Ibraevqa;
Dosjan Janbotaev atyndaǵy syılyq - Qazaqstannyń eńbek sińirgen qaıratkeri Erbol Esendosovqa;
Keńes Nurlanov atyndaǵy syılyq Nur-Sultan qalasynyń Qalıbek Qýanyshbaev atyndaǵy Memlekettik akademııalyq qazaq mýzykalyq-drama teatrynyń akteri Meıram Qaısanovqa;
Qonysbek Begaıdarov atyndaǵy syılyq - Qostanaı oblystyq Іlııas Omarov atyndaǵy Qazaq drama teatrynyń akteri Azamat Shókeevke;
Serik Bulǵaqbaev atyndaǵy syılyq - Jezqazǵan qalasynyń Serke Qojamqulov atyndaǵy qazaq mýzykalyq drama teatrynyń akteri Ardaq Jarqynbekovke;
Raıhan Ibraeva atyndaǵy syılyq - Jezqazǵan qalasynyń Serke Qojamqulov atyndaǵy qazaq mýzykalyq drama teatrynyń aktrısasy Qarlyǵash Baıdalınaǵa;
Qaırat Kemalov atyndaǵy syılyq - Qaraǵandy oblystyq Sáken Seıfýllın atyndaǵy Qazaq drama teatrynyń akteri Eseı Naýryzbaıǵa tabys etildi.
Qazaqstan halqy Assambleıasynyń 25 jyldyǵyna arnalǵan «Dostyq» arnaıy syılyǵymen Qaraǵandy oblysynyń ákimi apparaty hatshylyǵynyń bas ınspektor Gúlfaırýz Rymbekova marapattaldy.
