Jezqazǵanda aýrýhanadaǵy órtten soń 60 jastaǵy er adamnyń denesi tabyldy
JEZQAZǴAN. QazAqparat – Jezqazǵan qalasynyń kópsalaly aýrýhanadaǵy palatalardyń birinen órt shyqty. Órtti sóndirgennen keıin oqıǵa ornynda 60 jastaǵy er adamnyń denesi tabyldy, dep habarlaıdy QazAqparat.
3 qarasha kúni saǵat 11:58-de Jezqazǵan qalasynyń ortalyq aýrýhanasy ǵımaratynan órt shyqqany týraly habarlama kelip tústi. Shaqyrtý ornyna TJD-niń 24 adamy men 7 tehnıkasy jiberildi. 4-qabattaǵy palatada aýdany 10 sh.m. alańdy jalyn sharpydy.
«Órt ornynan 1961 jyly týǵan naýqastyń denesi tabyldy. Qylmystyq is qozǵaldy. Búgingi tańda aýrýhana shtattyq rejımde jumys isteýde», - dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.
«Qaraǵandy oblysy TJD kúshimen jedel qabyldanǵan sharalardyń arqasynda órt saǵat 12:21-de sóndirildi. Órttiń shyǵý sebebi men naýqastyń neden qaza bolǵany anyqtalyp jtyr», - dedi oblystyq TJD baspasóz qyzmeti.
Qaraǵandy oblysynyń Densaýlyq saqtaý basqarmasy qaıtys bolǵan naýqastyń týystary men jaqyndaryna kóńil aıtady.
