Jezqazǵanda 900 oryndyq jańa mekteptiń qurylysy bastaldy
QARAǴANDY. QazAqparat - Jezqazǵan qalasynda 900 orynǵa shaqtalǵan jańa orta mektep mekteptiń qurylysy bastaldy, dep habarlaıdy QazAqparat tilshisi.
Qazirgi tańda irgetasty quıý, baǵanalardy, plıtalar men panelder ornatý boıynsha qarqyndy jumystar júrgizilip jatyr.
Jobanyń avtory - «Sheber» JShS. Merdiger - jergilikti naryqta belgili «Aspap» óndiristik kooperatıvi. Atalmysh kásiporyn oblystaǵy birneshe qala men aýdanda mektepter men áleýmettik nysandar salǵan.
Qurylysty 2020 jyldyń qyrkúıegine deıin aıaqtaý josparlanýda. Jumys sapasy turaqty túrde qadaǵalanatyn bolady. Qurylys alańynda avtorlyq jáne tehnıkalyq qadaǵalaý da júzege asyrylady.
Jańa mektepte ınklıýzıvti oqytý qarastyrylǵan. Ol tek Jezqazǵannyń oqýshylaryn ǵana emes, sonymen qatar Ulytaý aýdanynyń balalaryn da qabyldaıdy. Qazirgi zamanǵy oqý ordasynyń ashylýy balalarǵa sapaly bilimge qol jetkizýge múmkindik týdyrady.
