Jezqazǵanda 150 tonnadan astam qoqys jınaldy
JEZQAZǴAN. QazAqparat - Jezqazǵannyń ekobelsendileri Qabanbaı batyr shaǵyn aýdanyndaǵy qoqys úıindileri men ruqsat etilmegen qoqys oryndaryn tazalady. Aktsııa barysynda 150 tonnadan astam turmystyq qaldyq shyǵaryldy, dep habarlaıdy QazAqparat tilshisi.
Qaraǵandy oblysynda ruqsat etilmegen qoqys oryndaryn joıý jalǵasýda.
Jezqazǵanda belsendiler ekologııalyq aktsııa ótkizip, Qabanbaı batyr shaǵyn aýdanyndaǵy qoqys úıindilerin tazalady.
Buryn bul shaǵyn aýdan Geologıcheskıı kenti dep ataldy. Ekobelsendilerdiń aıtýynsha, munda kólemdi qaldyqtar jyldar boıy jınaqtalǵan.
Aktsııa qalalyq ákimdikpen birlesip uıymdastyryldy. Tazalaýǵa eki KamAZ jáne eki tıegish tartyldy. Nátıjesinde 150 tonnadan astam qoqys shyǵaryldy.
Eske sala keteıik, tamyzdyń basynda Jezqazǵanda Keńgir sý qoımasynyń jaǵalaýyn sanıtarlyq tazalaý boıynsha senbilik ótken bolatyn. Oǵan 350 adam qatysty. Tazalyq aktsııasy barysynda segiz júk kóligimen qoqys shyǵaryldy.
