Jezqazǵanda 12 mektepke deıingi uıym azyq-túlikti qymbatqa almaq bolǵan

ASTANA. KAZINFORM - Ulytaý oblysynyń jalpy bilim berý uıymdarynda azyq-túlik jáne birinshi qajettiliktegi taýarlar baǵasynyń negizsiz ósý faktileriniń joly kesildi, dep habarlaıdy Qarjy monıtorıngi agenttiginiń baspasóz qyzmeti.

Jezqazǵan qalasynyń mektepke deıingi 12 uıymynda áleýmettik mańyzy bar azyq-túlik taýarlaryn JK-dan satyp alý joǵary baǵamen júzege asyrylǵany anyqtaldy.

Óndirýshi zaýyttan tutynýshyǵa deıingi baǵanyń aıyrmashylyǵy: qant 303 tg/kg men 750 tg/kg (147%), qaraqumyq jarmasy 232 tg/kg men 580 tg/kg (150%); aıran 2,5% 450 tg/l. men 179 tg/l. (135%); nan 475 tg/dana men 85 tg/dana (274%); taýyq jumyrtqasy 65 tg/dana men 43 tg/dana (51%).

Qabyldanǵan sharalardyń nátıjesinde ónim berýshimen qosymsha kelisimder jasaldy, onyń qorytyndysy boıynsha nan, un, qant, ósimdik maıy, aıran, qaraqumyq, kúrish, sábiz, pııaz, tuz, jumyrtqa jáne kartop sııaqty 12 ataýǵa baǵanyń tómendeýi qamtamasyz etildi.

Bul rette únemdeý 17 mln teńgeden asty.