Jezqazǵan zaýytynda jumysshy qaza tapty

ASTANA. QazAqparat - Jezqazǵan mys qorytý zaýyty kúkirt-qyshqyl tsehynyń jumysshysy qaza tapty, dep habarlaıdy QazAqparat tilshisi «Qazaqmys» korporatsııasynyń baspasóz qyzmetine silteme jasap. 

«2018 jyldyń 1 shildesi kúni «Kazakhmys Smelting» JShS-na qarasty Jezqazǵan mys qorytý zaýyty kúkirt-qyshqyl tsehynyń mańaıynda qaıǵyly oqıǵa tirkeldi. Shań, gaz tazartý qurylǵylarynyń operatory jeldetkishti tazalaý barysynda qatty jaraqat alyp, birden jan tapsyrǵan», delingen habarlamada.

Qaıǵyly oqıǵanyń sebep-saldary anyqtalyp jatyr. Oqıǵanyń mán-jaıyn tergeý úshin arnaıy komıssııa jasaqtaldy.

«Kazakhmys Smelting» JShS basshylyǵy men qyzmetkerleri qaza tapqan jumysshynyń týǵan-týystary men jaqyndaryna qaıǵyryp kóńil aıtady.