Jezqazǵan turǵyndaryna beriletin aýyz sý sapasy qalaı jaqsartylmaq
«Búgingi kúni Qazaqstan Respýblıkasy Prezıdentiniń 2021 jylǵy 20 qazandaǵy Qaraǵandy oblysynyń áleýmettik-ekonomıkalyq damýy jónindegi keńeste bergen tapsyrmasyn iske asyrý aıasynda 4 joba boıynsha jobalaý-smetalyq qujattama ázirlenýde: Jezqazǵan q. QOQS-qa deıin sý tartqyshty sala otyryp, Úıtas-Aıdos sý tartýynyń II kótergishiniń sorǵy stantsııasyn rekonstrýktsııalaý; jumys istep turǵan uńǵymalardy rekonstrýktsııalaý, jumys istemeıtin uńǵymalardy jáne Aıdos ken ornynyń qurama kollektorlaryn qaıta burǵylaý; jumys istep turǵan uńǵymalardy rekonstrýktsııalaý, jumys istemeıtin uńǵymalardy jáne Úıtas ken ornynyń qurama kollektorlaryn qaıta burǵylaý; Qojamseıit ken ornynyń sý qabyldaǵyshyn salý», - delingen Úkimet basshysynyń jaýabynda.
Onyń atap ótýinshe, atalǵan jobalar boıynsha memlekettik saraptamalardyń oń qorytyndylaryn alǵannan keıin jobalardy iske asyrýdy bastaý úshin qarjy qarajatyn bólý boıynsha jumys júrgiziletin bolady.
«Atalǵan sý tartqyshty salý men qaıta jańartýdy iske asyrý 2022-2024 jyldary josparlanyp otyr. Budan basqa, Úıtas-Aıdos sý tartqyshynyń múlki kommýnaldyq menshikten respýblıkalyq menshikke berildi. Úıtas-Aıdos sý tartqyshynyń múlkin respýblıkalyq menshikke qabyldaýdyń ekonomıkalyq oryndylyǵy sý tartqyshty respýblıkalyq bıýdjet qarajaty esebinen rekonstrýktsııalaǵannan keıin Úıtas-Aıdos jer asty sýlary ken ornynan aýyz sýdyń túsý kólemi 30-dan 70 paıyzǵa deıin artýymen baılanysty, sonyń nátıjesinde Jezqazǵan qalasynyń turǵyndaryna beriletin aýyz sýdyń sapasy edáýir jaqsarady», - dep atap ótedi Álıhan Smaıylov.