Jezqazǵan turǵyndaryn aı saıyn 2,2 mln teńgege qanap kelgen qant deldaly anyqtaldy

ASTANA. QazAqparat - Jezqazǵan qalasyndaǵy sýpermarketter jelisine «Tóleýov» JK óndiretin qantty jetkizýde basy artyq deldaldar anyqtaldy, dep habarlaıdy QMA Ulytaý oblysy boıynsha departamenti.

Kásipker qanttyń 1 kelisin 438 teńgeden jetkizip, aı saıynǵy satý kólemi 65 tonnany quraıtyny anyqtaldy. Atalǵan jeke kásipkermen komıssııa jumysynyń nátıjesinde kórsetilgen sýpermarketter jelisine qantty deldalsyz tikeleı jetkizý týraly kelisim jasalyp, qanttyń ózindik quny 8% arzandap, 403 teńgeni qurady.

Osylaısha, Jezqazǵan turǵyndary aı saıyn 2,2 mıllıon teńgeni únemdeıtin bolady.

Sonymen qatar, oblysta «Amına» JK taýyq etin 15 paıyzdan astam taýarlyq ústememen satý faktisi anyqtaldy.

Qabyldanǵan sharalardyń nátıjesinde jeke kásipker ákimshilik jaýapkershilikke tartylyp, baǵa 10%-ǵa, 1 kg úshin 1220 teńgeden 1098 teńgege deıin tómendetildi.