Jezqazǵan turǵyndary jaryqsyz jáne sýsyz qaldy
QARAǴANDY. QazAqparat – JEO oryn alǵan apattyó jaǵdaıdyń saldarynan Jezqazǵan qalasy elektr qýaty jáne sýsyz qaldy. Bul týraly jergilikti ákimdik Facebook paraqshasynda málimdedi, dep habarlaıdy QazAqparat tilshisi.
JEO-daǵy apattyq jaǵdaı búgin tańerteń saǵat 7.30-de bolǵan. Osyǵan baılanysty qalada tolyǵymen elektr jáne sýmen qamtamasyz etý júıesi óshirildi.
«Saǵat 10.20-da Jezqazǵan qalasyna elektr energııasyn berý qalpyna keltirildi. Sý qysymyn qalpyna keltirý júrip jatyr. Keıbir páterlerde sý bar. Jaqyn arada másele tolyǵymen sheshiledi», - dep habarlady qala ákimdiginiń baspasóz qyzmeti.
Jezqazǵan JEO-da osyǵan deıin de aqaýlar bolǵan. Ótken 2019 jyly apat saldarynan qala jylý, elektr jáne sýsyz qalyp qoıǵan.
