Jezqazǵan teatrynyń jańa qoıylymynda reseılik akter oınaıdy
Azamat Nıgmanov K. Stanıslavskıı atyndaǵy Máskeý Elektroteatrynyń akteri. Ol «Kınotavr» jáne «Eýrazııa» festıvalderinde «Úzdik er adam róli» nomınatsııasynyń jeńimpazy bolǵan.
Reseılik akter aldaǵy ýaqytta Serke Qojamqulov atyndaǵy Jezqazǵan qazaq mýzykalyq drama teatrynyń ujymymen birge jańa spektakl qoıyp, ony halyqaralyq festıvalderge shyǵarý josparlanýda.
Teatrdan habarlaǵandaı, qazir tanysý jáne daıyndyq kezeńderi júrip jatyr. Budan keıin Azamat Nıgmanov Jezqazǵan akterlerimen birge Oljas Janaıdarovtyń pesasy boıynsha «Jut» qoıylymynda oınaıdy. Karantın jeńildetilgen jaǵdaıda spektakl premerasy osy jyldyń mamyr aıynda ótedi.
«Spektakl eksporttyq joba retinde qarastyrylady. Biz onymen halyqaralyq festıvalderge qatysyp, gastrolderge barýdy josparlap otyrmyz. Ol qoıýshy sýretshiler men Lıtva nemese Bashqurtstan mamandary arasynda tájirıbe almasý aıasynda ótedi», - dedi Jezqazǵan teatrynyń jetekshisi Doshan Sáken.
Akter Azamat Nıgmanov Elektroteatrda 2014 jyldan bastap jumys isteıdi. Ol 11 jasynda sahnalyq ónerge aralasa bastady. Eki jyldan keıin Omby drama lıtseı teatryna tústi. 2009 jyly B. Şýkın atyndaǵy teatr ınstıtýtyn bitirip, Máskeýdiń túrli teatrlarynda úzdik óner kórsete bastady. Shoýlardyń birinde ony Konstantın Raıkın baıqap, rejısser Vıktor Ryjakovqa Vıktor Astafevtiń «Proklıaty ı ýbıty» romany boıynsha qoıylǵan spektaklge qabyldaýǵa keńes berdi. Bul qoıylymda Talǵat Harısovtyń róli úshin Azamat Nıgmanov Oleg Tabakov syılyǵyna ıe boldy.
