Jezqazǵan tas jolynda qar qursaýynda qalǵandar qutqaryldy
QYZYLORDA. QazAqparat - 2017 jyldyń aqpan aıynyń 4-i kúni Qyzylorda oblysy Tótenshe jaǵdaılar departamentiniń kezekshisine Qaraǵandy oblysy Ulytaý aýdanyna qarasty «Qyzylorda-Pavlodar-Ýspenka-RF» tas jolynyń 243 shaqyrymynda Kamaz avtokóligi eki jolaýshysymen tehnıkalyq aqaýǵa baılanysty qar qursaýynda qalyp qoıǵandyǵy jóninde habar tústi. Bul týraly QazAqparat HAA tilshisi oblystyq TJD-ge silteme jasap habarlady.
Ońtústik óńirlik aeroutqyr jedel qutqarý jasaǵynyń qutqarýshylary qar qursaýynda qalǵan adamdardy qutqarýǵa jáne avarııalyq qutqarý jumystaryn júrgizýge 3 qutqarýshy 1 birlik joǵary júrgishti tehnıka Kamaz avtokóligimen shyqty. Jasaq qutqarýshylary 243 shaqyrymda «Qyzylorda-Pavlodar-Ýspenka RF» tas jolynan isten shyqqan júk avtokóligin tapty. Oqıǵa ornynda qutqarýshylar jóndeýge kómek kórsetip Kamaz júk avtokóligin qar qursaýynan shyǵardy. Sál tońyp qalǵan Kamaz ıesi men kómekshisi Qyzylorda qalasyna deıin jetkizildi.
