Jezqazǵan - Petropavl tasjolynda júk kóligi men traktor soqtyǵysyp, bir adam kóz jumdy
PETROPAVL. QazAqparat – «Jezqazǵan - Petropavl» tasjolynda «KamAZ» ben MTZ traktory soqtyǵysyp, bir adam qaıtys boldy, dep habarlaıdy QazAqparat tilshisi SQO polıtsııa departamentiniń baspasóz qyzmetine silteme jasap.
«Soltústik Qazaqstan oblysynyń Qyzyljar aýdany Qarlyǵa aýylyna jaqyn mańda, «Jezqazǵan - Petropavl» tasjolynda 1963 jyly týǵan «Kamaz» markaly kólik júrgizýshisi alda kele jatqan MTZ traktorynyń tıelgen tirkemesimen soqtyǵysty. Traktordy Esil aýdanynyń 1978 jyly týǵan turǵyny aıdap kele jatqan», - delingen departamenttiń habarlamasynda.
Jol apatynan «KamAZ» júrgizýshisi oqıǵa ornynda jan tapsyrǵan.
Qazirgi ýaqytta atalmysh fakti boıynsha QR Qylmystyq kodeksiniń 345-baby 3-bóligi boıynsha sotqa deıingi tergeý amaldary júrgizilip jatyr.
