Jezqazǵan — Petropavl avtojolynda bolǵan jol apatynan eki adam qaza tapty
ASTANA. KAZINFORM – Jezqazǵan — Petropavl avtojolynda bolǵan jol-kólik oqıǵasy saldarynan eki adam qaza tapty.
Soltústik Qazaqstan oblysy polıtsııa departamentiniń málimetinshe, oqıǵa 7 aqpanda «Jezqazǵan — Petropavl» avtojolynda bolǵan. Shacman markaly júk kóligi men Toyota Camry jeńil avtokóligi soqtyǵysqan.
Apat saldarynan jeńil kóliktiń júrgizýshisi men jolaýshysy kóz jumdy.
Atalǵan derek boıynsha polıtsııa qylmystyq is qozǵady. Qazirgi ýaqytta oqıǵanyń barlyq mán-jaıy anyqtalyp jatyr.
Polıtsııa departamenti joldaǵy qaıǵyly jaǵdaılardyń aldyn alý úshin jol qozǵalysy erejelerin qatań saqtaý, jol jaǵdaıyn eskerý jáne kólikterdiń tehnıkalyq jaǵdaıyn baqylaý qajet ekenin eske saldy.
Buǵan deıin Almatyda jappaı jol apaty bolyp, onyń saldarynan bir júrgizýshi kólik tizgininde qaıtys bolǵany habarlanǵan edi.
Al aýa raıynyń qolaısyzdyǵyna baılanysty eki oblysyta jol jabylǵan edi.