«Jezqazǵan - Petropavl» avtomobıl joly ýchaskesin ortasha jóndeý jumystary merziminen buryn aıaqtalady

ASTANA. QazAqparat - Búgingi tańda 5,4 shaqyrymdyq ýchaskede barlyq jumystar aıaqtaldy, onyń ishinde eski jol tósemi alynyp, 42 myń sharshy metr kóleminde asfalt jamylǵysyn tóseýge ázirlendi, bes myń tonnadan astam asfalt-beton qospasy tóseldi. Qalǵan 3,6 shaqyrymdy 1 qyrkúıekke deıin bitirip, ýchaskeni merziminen buryn paıdalanýǵa tapsyrý josparlanyp otyr. Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.

«Joǵaryda atalǵan joldyń 710-719 shaqyrymdaryndaǵy uzaqtyǵy 9 km ýchaskeni ortasha jóndeý sýyq resaıklıng tehnologııasymen jasalǵanyn atap ótý qajet.

Sýyq resaıklıng tehnologııasy - bul qoldanystaǵy jol jamylǵysynyń materıalyn usatyp, sol jerde tutqyr jáne tas ónimdi materıaldarmen aralastyrý arqyly onyń fızıka-mehanıkalyq qasıetterin jaqsartyp, olardy nyǵyzdap tósep, tıisti parametrlerge keltirip qaıta qoldaný tehnologııasy.

Sýyq resaıklıng tehnologııasy boıynsha jóndeý jumystaryn júrgizý úshin arnaıy jol tehnıkasy qajet. Osy ýchaskedegi jumysqa 23 tehnıka jáne 38 jumysshy tartyldy.

Osy tehnologııany qoldanyp ortasha jóndeý jumystaryn júrgizý avtomobıl joly ýchaskesiniń paıdalaný jaǵdaıyn jaqsartýǵa múmkindik beredi», - dep jazylǵan habarlamada.