Jezqazǵan - Petropavl - Arqalyq avtojoly jóndelip jatyr
ASTANA. KAZINFORM – Soltústik Qazaqstan oblysynda respýblıkalyq mańyzy bar A-16 «Jezqazǵan - Petropavl - Arqalyq» avtojolynyń 876-896 shaqyrym aralyǵyndaǵy ýchaskesinde ortasha jóndeý jumystary júrgizilýde, dep habarlaıdy QazAvtoJol.
Joba kúrdeli jóndeý ádisimen, ıaǵnı eki qabatty asfaltbeton jabynyn ornatý arqyly júzege asyrylýda.
Búgingi kúnge deıin 19,5 shaqyrym aralyqta mynadaı jumystar atqaryldy:
- qalyńdyǵy 20 sm bolatyn sýyq resaıklıng ádisimen negiz qabaty ornatyldy;
- qalyńdyǵy 6 sm bolatyn iri túıirshikti asfaltbetonnan tómengi qabat tóseldi;
- qalyńdyǵy 5 sm bolatyn usaq túıirshikti asfaltbetonnan joǵarǵy qabat tóseldi.
Sonymen qatar qoldanystaǵy sý ótkizgish qubyrlardy jóndeý jáne ornatý jumystary júrgizilýde. Barlyǵy 11 birlik qarastyrylyp, onyń 9-y salyndy.
Ulttyq kompanııanyń málimetinshe, jobany iske asyrý jol jabynynyń sapasyn edáýir arttyryp, kórsetilgen ýchaskede jol qozǵalysy qaýipsizdigin kúsheıtýge múmkindik beredi.
Aıta keteıik, Almatyda jol jóndegen merdigerlerdi polıtsııa tekserip jatyr.