Jezqazǵan mys balqytý zaýyty tolyq qýatymen jumys isteı bastady

2009 jyldan bastap kásiporynda tolyq júkteme úshin shıkizat jetkiliksiz bolǵandyqtan tek bir pesh qana jumys istegen bolatyn. Endi uzaq jyldarǵa sozylǵan úzilisten soń, zaýyt tolyqqandy jumys rejımine oraldy. 

Ekinshi rýdotermııalyq peshti iske qosý saltanatyna Qaraǵandy oblysynyń ákimi Erlan Qoshanov jáne "Kazakhmys Holding" JShS dırektorlar Keńesiniń Basqarma tóraǵasy Edýard Ogaı boldy.

Mys balqytý zaýytynyń metallýrgterin quttyqtaı kele, aımaq basshysy atalmysh óndiris oshaǵynyń tek bizdiń oblys úshin ǵana emes, búkil elimiz úshin mańyzdy ekenin atap ótti.

«Eger zaýyt on jyl kóleminde óziniń jartylaı qýattylyǵyna ǵana jumys istep, 100 myń tonna mys óndirgen bolsa, endi ekinshi peshtiń kómegimen elimiz 200 myń tonna mys alatyn bolady, - dedi Erlan Qoshanov. - Bul, birinshi kezekte, Elbasynyń tikleı tapsyrmasymen Jezqazǵan mańynda jańa mıneraldy ken oryndaryn barlaý, ashý jáne qurýdyń arqasynda múmkin bolyp otyr. Jezqazǵannyń bolashaǵy úlken dep oılaımyn». 
Kásiporynda shıkizat bazasyn keńeıte aldy. Ol sonymen qatar «Kaz Mınerals» JShS jańa taý-ken baıytý nysandary iske qosylǵan soń júzege asyryldy.

«Búgin biz Jezqazǵan mys balqytý zaýytynyń qaıta jandanýyna kýá bolyp otyrmyz. Birinshi kezekte men Elbasymyzǵa 2012 jyly «Qazaqmys» korporatsııasynyń rýda-shıkizat bazasyn tolyqtyrý týraly sheshim qabyldaǵany úshin alǵysymyzdy bildirgim keledi, - dep atap ótti «Kazakhmys Holding» JShS dırektorlar Keńesiniń Basqarma tóraǵasy Edýard Ogaı. - Sonymen qatar, zaýyt ujymyna da úlken rahmet aıtqym keledi - osynyń barlyǵy sizderdiń kóz aldaryńyzdan ótti. Nátıjesinde óndirismizde barlyǵy qaıta jandanyp, buryńǵydaı jumys isteýdi bastap keledi».

JMZ ekinshi peshtiń iske qosylýy 600-ge jýyq jańa jumys oryndaryn qurýǵa múmkindik berdi. Eki peshtiń jumys isteýi barysynda jumys isteıtin qyzmetkerlerdiń jalpy sany 2000 adamnan asady. 
Búgingi tańda zaýyttyń qýattylyǵy - jylyna 220 000 tonna katodtyq mys óndirý. Aıta ketý kerek, JMZ-da mysty katodqa jylpylaı bólip alý dárejesi joǵary - 98% asady.

«Jezqazǵan aımaǵynyń damýy Elbasynyń erekshe nazarynda. Birneshe jyl buryn Prezıdenttiń tapsyrmasymen respýblıkalyq mańyzy bar temirjol tartyrǵan bolatyn. Sonymen qatar qurylys jáne jol ınfraqurylymdary da jaqsartylýda: turǵyn úı qurylysy belsendi júrgizilýde, joldar jóndelip jatyr. Kelesi jyly úlken sport kesheni jáne daryndy balalarǵa arnalǵan mektep salynady. Osynyń barlyǵy Elbasynyń aımaqtardy damytý týraly tapsyrmasy aıasynda júzege asyrylýda. Eger óndiris ári qaraı damysa, áleýmettik máseleler de sheshiledi dep oılaımyn», - dep atap ótti oblys ákimi Erlan Qoshanov. 



Jezqazǵan turǵyndary úshin taǵy bir qýanyshty oqıǵa zamanaýı ULY DALA gıpermarketiniń ashylýy boldy. Ol basqa dúkenderdegige qaraǵanda onda baǵalary tómen ekendigimen erekeshelenedi. «Kazakhmys Holding» qurylysqa 2 mlrd teńge ınvestıtsııa salǵan. Jobanyń bas merdigeri jáne operatory «PIK «ıÝtarııa ltd». JShS bolyp tabylady. 

«Bul nysandy qurý barysynda «Kazakhmys Holding» otbasylyq bıýdjetti qoldap, paıdaly taǵam usynýdy maqsat qylǵan. Biz negizgi azyq-túlik ónimderiniń baǵalaryn taldadyq. Bizdiń gıpermarkettegi negizgi tutynýshylyq sebetiniń baǵasyn tómendigi ortasha eseptegende 28,7% quraıdy. Biz buǵan ónim óndirýshilermen jáne jetkizýshilermen tikeleı jumys isteýdiń arqasynda qol jetkizip otyrmyz. Gıpermarketimizde shamamen 50 otandyq kompanııalardyń ónimderi qoıyldy», - dedi «PIK «ıÝtarııa ltd». JShS jetekshisi Sáýle Sháýenova. 


Bul nysandaǵy barlyq protsessterdi basqarý úshin avtomattandyrylǵan esepteý baǵdarlamasy, álemdik ónim óndirýshiler taýarlarynyń ózindik qunyn esepteıtin baǵdarlama, urlyqqa qarsy júıe ornatylǵan. 

ULY DALA gıpermarketi Jezqazǵan-Sátpaev jolynda ornalasqan Ol úlken aınalymǵa shaqtalǵan - kúnine 3000 satyp alýshyǵa deıin. Gıpermarkettiń ashylýy 180 jańa jumys oryndaryn qurýǵa múmkindik berdi.