Jezqazǵan-Qyzylorda tasjolynda toqtatylǵan kólikten atylǵan kıik tabyldy

ASTANA. QazAqparat – Jezqazǵan-Qyzylorda tasjolynda toqtatylǵan kólikten atylǵan kıik tabyldy. Bul týraly QazAqparat polisia.kz telegram kanalyna silteme jasap habarlaıdy.

Qyzylorda qalalyq polıtsııa basqarmasynyń patrýldik polıtsııa qyzmetkerleri «Kıik» jedel-aldyn alý is-sharasy aıasynda Jezqazǵan-Qyzylorda tasjolynyń boıynda kúdik týdyrǵan avtokólikti baıqaıdy.

«Lada» markaly avtokólikti tekserý barysynda júksalǵyshynan atylǵan kıik tabylady. Kólik júrgizýshisi oblystyń 33 jastaǵy turǵyny bolyp shyqty. Aıǵaq zattar tárkilendi.

Atalǵan derek boıynsha Qazaqstan Respýblıkasy Qylmystyq kodeksi 339-babynyń 1-bóligimen sotqa deıingi tergep-tekserý áreketteri júrgizilip jatyr. Kúdiktige qatysty eshqaıda ketpeý týraly qolhat túrinde bultartpaý sharasy qoldanyldy. Tıisti saraptamalar taǵaıyndaldy.

Foto: t.me/POLICE_of_KZ