EO Izraıldiń Batys jaǵalaýdaǵy zańsyz qonystaryn keńeıtý áreketin aıyptady
ASTANA.KAZINFORM – Eýropalyq syrtqy is-qımyl qyzmeti Izraıldiń joǵary josparlaý komıtetiniń basyp alynǵan batys jaǵalaýynda 3 426 birlikten astam zańsyz qonys salý josparyn aıyptaıtyn málimdeme jasady.
EO Izraıldi bul sheshimnen bas tartýǵa shaqyrdy.
«EO qonystandyrý halyqaralyq quqyqqa sáıkes kelmeıtinin jáne beıbitshilikke kedergi keltiretinin qaıtalap eske salady. Óıtkeni ol eki memlekettiń qatar ómir súrýi týraly sheshimge qaýip tóndiredi. Sonymen qatar eldi mekenderdiń keńeıýi shıelenisti azaıtýǵa baǵyttalǵan kúsh-jigerge múlde sáıkes kelmeıdi. EO-nyń ustanymy ózgerissiz qalady: Odaq 1967 jylǵa deıin bolǵan, onyń ishinde Ierýsalımge qatysty taraptar kelisilgennen basqa eshqandaı shekaralyq ózgeristerdi moıyndamaıdy», - delingen dıplomatııalyq qyzmettiń málimdemesinde.
