Jezqazǵan qalaı damıdy: Jeńis Qasymbek qala halqyna damý josparyn tanystyrdy
JEZQAZǴAN. QazAqparat – Qaraǵandy oblysynyń ákimi Jeńis Qasymbek Jezqazǵan turǵyndarymen, sondaı-aq jergilikti qala quraýshy kásiporynnyń kásipodaq ókilderimen kezdesti. Olardy kompanııanyń damýy men áleýmettik qamsyzdandyrylýy ǵana emes, sonymen qatar Jezqazǵan aldaǵy jyldary qalaı ómir súretini jáne damıtyny alańdatty, dep habarlaıdy QazAqparat tilshisi.
Jumys sapary barysynda Jeńis Qasymbek qala aktıvimen jáne jurtshylyqpen kezdesip, azamattardy jeke máseleleri boıynsha qabyldady.
Jezqazǵan ákimi Qaırat Ábsattarov ekonomıkany ártaraptandyrý jobalary týraly aıtyp, Jezqazǵandy damytý josparlarymen tanystyrdy.
Bıyl qalada «Qazaqmys» korporatsııasy» JShS qara mys kontsentrattaryn gıdrometallýrgııalyq óńdeý tájirıbelik zaýytyn iske qosý josparlanýda. «Qazhımsıntez» JShS ónerkásiptik reagent shyǵaratyn hımııalyq zaýyt jáne «Kaz Green Energy» JShS bıoelektrostantsııasy salynýda.
«Osy úsh iri jobany iske asyrý 320-dan astam jumys ornyn jáne ónerkásiptik óndiristiń ósýin qamtamasyz etedi. Investıtsııalar 17,6 mlrd teńgeni quraıdy», – dedi Qaırat Ábsattarov.
Áleýmettik ınfraqurylymdy da damytý josparlanýda. Daryndy balalar oqıtyn «Órken» mektebi janynan 200 oryndyq jataqhana salynady. Bul aýyldan oqýshylardy kóbirek qabyldaýǵa múmkindik beredi.
Qala bıligi Qabanbaı batyr shaǵyn aýdanyn damytý kózdelýde. Munda jergilikti bılik jańa mektep salýǵa ýáde beredi.
Jezqazǵanda joldardy jóndeý jumystary da jalǵasady. Bıyl segiz kósheni qamtý josparlanýda.
Jyl sońyna deıin alty úı paıdalanýǵa berilýi tıis, olardyń ekeýi kommertsııalyq úıler. Osylaısha, 224 otbasy turǵyn úımen qamtamasyz etiledi.
Sondaı-aq, bıyl Prezıdenttiń tapsyrmasy boıynsha Úıtas-Aıdos sýaǵaryn qaıta jańartý bastalady.
Oblys ákimi problemalyq nysandar – dene shynyqtyrý-saýyqtyrý kesheni men 320 oryndyq balabaqshanyń qurylysyn aıaqtaý jóninde tapsyrma berdi.
«Qazaqmys» korporatsııasy» JShS Basqarma tóraǵasynyń birinshi orynbasary Andreı Gaıdın kásiporynnyń jumysy jáne áleýmettik mindettemeler týraly aıtyp berdi.
Onyń aıtýynsha, birneshe ret ujymdarmen kezdesýler ótkizildi, onda qyzmetkerdiń birde-bir máselesi nazardan tys qalǵan joq.
«Biz úshin korporatsııanyń turaqty jumysy, eńbek qaýipsizdigi, qyzmetkerlerdiń ál-aýqatyn arttyrý mańyzdy. Eńbek ujymdary kótergen máselelerdiń kópshiligi ujymdyq sharttyń talaptaryna kiredi», – dep atap ótti Jeńis Qasymbek.
Áleýmettik sıpattaǵy máselelerge keletin bolsaq, óńir basshysy Jezqazǵan ákimine medıtsınany damytýǵa, abattandyrýǵa jáne halyqty jumyspen qamtýǵa erekshe nazar aýdarýdy tapsyrdy.
