Jezqazǵan qalasynyń ortalyǵynda avtokólik otqa orandy
QARAǴANDY. QAZAQPARAT - Jezqazǵan qalasynyń ortalyǵynda Toyota markaly avtokólik túgi qalmaı janyp ketti, dep habarlaıdy «QazAqparat» HAA tilshisi.
Oblystyq Tótenshe jaǵdaılar departamenti baspasóz qyzmetiniń habarlaýynsha, Jezqazǵan qalasynyń Alashahan dańǵylynda Toyota markaly avtokólik órtengen. Oqıǵa dúısenbi kúni kúndiz bolǵan. Órttiń jalpy aýmaǵy 6 sharshy metrdi qurady. Órttiń aldyn alýǵa 11 adam men 3 tehnıka jumyldyryldy.
«Órtti 10:53-te óshirdik. Oqıǵanyń aldyn ala sebebi anyqtalyp jatyr», - dedi oblystyq TJD ókilderi.
Buǵan deıin áleýmettik jelilerde oqıǵa kýágerleri avtokóliktiń janyp jatqan sýretterin jarııalaǵan bolatyn.
