Jezqazǵan qalasyndaǵy sońǵy soǵys ardageri baqılyq boldy
Búgin Jezqazǵan qalasynda qalǵan jalǵyz soǵys ardageri Ivan Artemenko kóz jumdy.
Ivan Kýzmıch Artemenko 1926 jylǵy 20 mamyrda Almaty oblysy Sarqand aýdany Pokatılovka selosynda dúnıege kelgen. Soǵysqa deıin Taldyqorǵan oblysy Antonovka selosynda jumys istegen. Maıdanǵa 1943 jyly attanǵan.
Lenıngrad maıdanynda jáne Prıbaltıkada shekara áskeri quramynda aǵa serjant sheninde bólimshe komandıri bolyp soǵysqa qatysqan. 2-dárejeli Otan soǵysy ordenimen, «1941—1945 jyldardaǵy Uly Otan soǵysynda Germanııany jeńgeni úshin» medalimen, Keńes Odaǵynyń Marshaly G.K.Jýkov medalimen jáne merekelik medaldarmen marapattalǵan.
Soǵys ardageri 1953 jyly elge oralǵan. Jezqazǵan qalasynda 1975 jyldan beri turady. Jezqazǵan baıytý fabrıkasynda jumys istegen. Ardagerdyń tórt balasy, úsh nemeresi jáne bir shóberesi bar.
Jeńistiń 77 jyldyńyna oraı ardagerge Jezqazǵan qalasy ákimdiginen 1 mıllıon teńge kóleminde syıaqy berildi. Sondaı-aq maıdangerge «Qazaqmys» korporatsııasynan da dál osyndaı somada qarajat bólingen.
