Jezqazǵan qalasyndaǵy shahtada jas kenshi qaza tapty
QARAǴANDY. QazAqparat - Jezqazǵan qalasyndaǵy «Qazaqmys» korporatsııasynyń shahtasynda taý-ken jumystaryn júrgizý kezinde 28 jastaǵy kenshi kóz jumdy, dep habarlaıdy QazAqparat tilshisi.
Jazataıym oqıǵa «Qazaqmys korporatsııasy» JShS Ońtústik Jezqazǵan kenishiniń №65 shahtasynda boldy. Taý-ken jumystaryn júrgizý kezinde óndirý ýchaskesi burǵylaýshysynyń 1991 jyly týǵan kómekshisi aýyr jaraqat aldy. Oqıǵa saldarynan jas kenshi kóz jumdy.
«Arnaıy komıssııa jazataıym oqıǵanyń mán-jaıy men sebepterin anyqtaýda.
«Qazaqmys kompanııasynyń basshylyǵy men eńbek ujymy qaza tapqan adamnyń týǵan-týystaryna kóńil aıtady», - dep habarlady «Qazaqmys korporatsııasy» JShS baspasóz qyzmeti.
