Jezqazǵan qalasynyń esirtki jarnamalaǵan turǵynyna sot úkimi shyqty

ASTANA. KAZINFORM – Jezqazǵan qalasynda aqshalaı syıaqy úshin ınternet-saıttardyń mekenjaılaryna esirtki jarnamasy týraly habarlandyrý qaldyrǵany úshin 26 jastaǵy jigit ustaldy.

Jergilikti prokýratýradan jazǵandaı, ol sot úkimimen kináli dep tanylyp, 3 jyl 6 aıǵa bas bostandyǵynan aıyrý jazasy taǵaıyndaldy.

Ulytaý oblysynyń prokýratýrasy esirtki zattaryn taratý jáne olardy jarnamalaý úshin qylmystyq jaýaptylyq qarastyrylǵanyn eskertedi.

Úkim zańdy kúshine endi.

Aıta keteıik, Ulytaý oblysynda balabaqsha býhgalteri 16 mln teńgeni jymqyryp qalǵan.