Jezqazǵan qalasynda 1705 turǵyn úı gazben qamtamasyz etildi

JEZQAZǴAN. KAZINFORM — Jezqazǵan qalasynda jylý tapshylyǵynyń aldyn alý maqsatynda «Saryarqa» jobasy aıasynda magıstraldy gaz qubyrynyń qurylys jumystary qarqyndy túrde júrgizilýde.

Qazirgi ýaqytta qaladaǵy 1705 turǵyn úı tabıǵı gazben qamtamasyz etilgen. Joba aıasynda qaladaǵy gaz taratý jelileriniń qurylys jumystary jalǵasýda.

Bıylǵy jyldyń sońyna deıin qosymsha 800-ge jýyq úıdi gazben qamtamasyz etý kózdelýde. Bul joba qala turǵyndarynyń turmys sapasyn arttyrýǵa, jylý men energııaǵa degen suranysty tolyq qanaǵattandyrýǵa múmkindik beredi.

— Jobanyń iske asyrylýy qala turǵyndarynyń ómir súrý jaǵdaıyn jaqsartýdyń mańyzdy kezeńi bolyp tabylady. Oblysymyzda turǵyn úılerdi gazben qamtamasyz etý jumystary jalǵasyn tabady, — dep atap ótti oblys ákimi Dastan Ryspekov.

Budan bólek, Ulytaý oblysynda basqa da mańyzdy jobalar iske asyrylýda. 2024 jyly oblysta jańa áleýmettik nysandardyń qurylysy aıaqtalady, sonyń ishinde densaýlyq saqtaý jáne bilim berý salasynda eleýli jetistikterge qol jetkizilýde. Bıyl oblysta reabılıtatsııalyq ortalyq ashylyp, onda jyl saıyn 600-ge deıin bala ońaltý sharalarynan ótetin bolady.

Sonymen qatar, óńirde aýyl sharýashylyǵy men kásipkerlikti damytý boıynsha kóptegen jobalar qolǵa alynǵan.

Ulytaý oblysynyń ekonomıkasy da ósip keledi. 2024 jyldyń birinshi jartyjyldyǵynda Ulytaý oblysynyń jalpy óńirlik ónimi 799 mlrd teńgege jetip, ótken jylmen salystyrǵanda 3%-ǵa ósti. Oblysqa tartylǵan ınvestıtsııalar kólemi 42%-ǵa artyp, 158 mlrd teńgeni qurady.

Aıta keteıik, budan buryn Jezqazǵanda 400 oryndyq Oqýshylar saraıy salynatyny aıtyldy.