Jezqazǵan qalasy «Salyq keshbek» pılottyq jobasyna qosyldy

ASTANA. KAZINFORM — Joba syıaqy tóleý arqyly mıkro jáne shaǵyn bıznes sýbektilerinen fıskaldyq chekter alýdy yntalandyrýǵa baǵyttalǵan. 4 jeltoqsannan bastap jobaǵa Jezqazǵan qalasy (Ulytaý oblysy) qosylady, dep habarlaıdy Memlekettik kirister komıtetiniń baspasóz qyzmeti.

Bıyl «Salyq keshbek» jobasy 2025 jylǵy 15 naýryzdan, 15 sáýirden, 15 mamyrdan, 15 maýsymnan, 15 shildeden, 15 qazannan bastap kezeń-kezeńimen iske qosyldy. «Salyq keshbekke» kez kelgen adam qatysa alady. 

Ol úshin sizge qajet:

• Taýarlarǵa nemese qyzmetterge aqy tóleý kezinde fıskaldyq chek alyńyz;
• «Amian» arnaıy mobıldi qosymshasyndaǵy chekten shtrıh-kodty skanerleńiz jáne satyp alý somasynyń 2% mólsherinde keshbek alyńyz.

— Alynǵan qarajatty bank kartasyna aýdarýǵa nemese uıaly telefonnyń balansyna aýdarýǵa bolady. 2025 jylǵy qazandaǵy jaǵdaı boıynsha tólengen keshbek somasy 127 mln teńgeden asty. Budan basqa, pılottyq joba iske asyrylatyn aýmaqtarda oń dınamıka baıqalady: berilgen chekter sany 48%-ǵa, al olar boıynsha jalpy soma-38%-ǵa ulǵaıdy, — delingen habarlamada.

Syıaqylardy esepteýdi «IT Analytics» JShS operatory App Store jáne Google Play dúkenderinde tegin júkteý úshin qoljetimdi «Amian» mobıldi qosymshasy arqyly júzege asyrady.

Osyǵan deıin qazaqstandyqtar shaǵyn dúkenderden chek talap etip, syılyq utyp ala alatynyn jazǵan edik.