Jezqazǵan aımaǵy respýblıkanyń bazalyq salalary ornalasqandyqtan aıryqsha mánge ıe
QARAǴANDY. Qarashanyń 30-y. QazAqparat /Valentına Elızarova/ - Jezqazǵan aımaǵy munda tek Qaraǵandy oblysynyń ǵana emes, respýblıkanyń da bazalyq salalary ornalasqandyqtan aıryqsha mánge ıe.
Bul jóninde Qaraǵandy oblysynyń ákimi Serik Ahmetov Jezqazǵan aımaǵy boıynsha jumys saparynyń qorytyndylaryn shyǵarý kezinde aıtty. Sapar barysynda ol «Qazaqmys korporatsııasy» JShS óndiristik kásiporyndarynda jáne áleýmettik nysandarynda boldy.
S.Ahmetov Jezqazǵan jylý elektr ortalyǵyn da aralady. «Bıylǵy jyly jylý berý maýsymyna daıarlyq kezinde jylý elektr ortalyǵyn jóndeýge 1,6 mıllıard teńge bólindi», dep habarlady «Qazaqmys korporatsııasy» JShS basqarma bastyǵy Vladımır Ogaı.
Oblys ákimi Sátbaev qalasyndaǵy jerasty oqý-jattyǵý polıgonynda jáne «Qazaqmys korporatsııasy» JShS ádistemelik ortalyǵynda boldy.
S.Ahmetov Sátbaev qalasynda - «Qazaqmys korporatsııasy» JShS sporttyq-saýyqtyrý keshenin, Jezqazǵanda «Ulytaý» sport saraıyn jáne medıtsınalyq ortalyqty kórdi. Sonymen qatar, oblys ákimi Jezqazǵan mys balqytý kombınatynda, sondaı-aq «Jol kartasy» baǵdarlamasy boıynsha jumystar júrgizilip jatqan Jezqazǵan tarıhı-arheologııalyq murajaıynda boldy.
